Quen somos?

No ano 2001 xuntámonos un grupo de país e nais preocupados por darlle unha atención de calidade aos nosos fillos e fillas. Naqueles intres moitos de nós xa se atoparan con moitos obstáculos, tanto no diagnóstico, como nas posibles informacións, asesoramentos, orientacións, intervencións… posteriores.

Por iso, conscientes desta situación puxémonos a traballar para acadar uns mellores servizos para as persoas con diversidade funcional. Hoxe en día dispoñemos da colaboración de varios profesionais que levan os programas de atención e intervención a domicilio (psicolóxica e logopédica), programas de ocio e tempo de lecer…no que participan persoas con todo tipo de diversidades funcionais: Trastornos xerais do desenvolvemento (TXD) e do Espectro Autista (TEA), Síndrome de Ásperger, Síndrome de Williams, Síndrome X Fráxil, Síndrome de Sotos, Dandy-Walker, TDAH…

PROFESIONAIS DO EQUIPO TÉCNICO

Na actualidade contamos con diversos profesionais que se encargan de levar a cabo todos os programas que ofrecemos ás familias. O noso equipo conta con psicólogas e logopedas especializadas en diversidade funcional.

 

Contamos con especialización no ámbito da atención á diversidade, nos trastornos da linguaxe e comunicación, os trastornos do neurodesenvolvemento, síndromes minoritarios, trastorno do espectro autista…

Así mesmo contamos co apoio de voluntarios especializados en diferentes ámbitos cos que traballamos para mellorar a vida das persoas con diversidade funcional.

Contacte connosco

Política de Privacidade

13 + 5 =

Estamos preto de ti!

Vivimos nunha sociedade pensada para a maioría e na que non existe unha conciencia social sobre a situación de discriminación que están vivindo as persoas con diversidade funcional. Por esta razón “o problema” é só duns poucos, e son eles os que deben de buscar a solución.

654 84 78 65 / 604 86 33 41

Teléfono

(+34) 654 847 865

(+34) 604 863 341

Enderezo

Centro Asociativo A Escada

Rúa Manuel Azaña, 2 (Antig. Ofic. da Cross), O Burgo - Culleredo (A Coruña)

Email

dismacor@dismacor.org